今站最佳表演獎
我會將呢個獎頒俾2兩個人，一個係125 o既域奴利斯(VINALES)，另一個係Moto GP o既史畢斯(Ben Spies)。佢兩個都係由尾追到上前面，域仔就因為臨賽壞車，由36位出發，最後追到第四位，睇怕佢呢場車就算冇櫈仔企，過人都過得好過癮。而Ben Spies一開始就比羅絲炒車迫咗出沙地，仲跌埋車，執番車之後由尾追下追下，追番上第六；其實我真係覺得其他車手真係唔係好夠班，有乜理由人o地跌咗車，執番再鬥都可以贏埋佢哋呀！

至於金草梅獎，我就比西蒙先尼(Simoncelli)。點解？人家杜域斯柯素(Dovizioso)偷步，佢又跟人偷，最好笑響後面起步o既卡茲奴(Crutchlow)又跟埋佢偷步，但西蒙先尼就話盞紅燈好耐都唔熄，咁眼尾睄到杜域斯柯素開車咪就跟住開囉！咁人o地入女厠，佢又會唔會跟住入呢？
 

最大問題係人o地卡茲奴(Crutchlow)冇爭櫈仔機會，而你西蒙先尼(Simoncelli)兄係有機會架嘛，唉！你話點可以唔比個獎佢吖！

賽後柏杜莎記者招待會(中文字幕)

賽後Moto-one點估？－記得收看賽後柏杜莎記者招待會(中文字幕)
每次賽後o既記招，已逐變得越來越程式化，車手例牌講戰車調校好、冇車隊協助就攞唔到冠軍、多謝車隊等等客套話；事實係佢o地所講o既都係口是心非，就等本誌「靠估」，以下就是柏杜莎賽後訪問的解碼。

「無錯，起步o既時候我見到杜域斯素有D怪怪o地.....哈，真係勢估唔到佢急到偷步喎....。冇錯，杜域斯素同史東拿起步好快，咁又點啫，又咪係衝出沙池，明知我都追佢唔到啦，仲急乜鬼？唔係多得佢o地兩個咁大方，我邊攞到個冠軍丫。

我架車勁唔駛講啦，如果唔係多得西蒙先尼，俾佢之前撞到斷骨，話唔定嬴埋今年世界冠軍！至於羅倫素，今場完全俾唔到壓力我，佢追到我先奇。」
 

佢地賽後講D乜？

（完）